چیف ایڈیٹر:طارق محمود چودھری  ایڈیٹر: مظہر اقبال چودھری  مینیجنگ ایڈیٹر: ادریس چودھری

نومبر 19, 2026 8:18 صبح

جہلم//محکمہ داخلہ پنجاب ، پروبیشن اینڈ پیرول سروس کے زیرِ اہتمام زیر تربیت پروبیشنرز کی اصلاح و تربیت کے لیے اصلاحی نشست کا انعقاد

محکمہ داخلہ پنجاب ، پروبیشن اینڈ پیرول سروس کے زیرِ اہتمام زیر تربیت پروبیشنرز کی اصلاح و تربیت کے لیے اصلاحی نشست

جہلم(ظہیر عبّاس)تفصیلات کے مطابق گزشتہ روز محکمہ داخلہ پنجاب ، پروبیشن اینڈ پیرول سروس کے زیرِ اہتمام، محترم جناب گلزار احمد خالد ڈسٹرکٹ اینڈ سیشن جج جہلم کی خصوصی ہدایات کی روشنی میں زیر تربیت پروبیشنرز کی اصلاح و تربیت کے لیے ایک اصلاحی نشست کا انعقاد کیا گیا۔اس اہم نشست کا اہتمام منیب ظفر ہاشمی ڈسٹرکٹ

پروبیشن آفیسر، جہلم کی زیرِ نگرانی کیا گیا۔نشست کو مؤثر اور بامقصد بنانے کے لیے مختلف شعبہ جات سے تعلق رکھنے والی معزز شخصیات کو بطور مہمانِ خصوصی مدعو کیا گیا جن میں شامل تھے ،فرحت کمال ضیاء سینیئر ایڈوکیٹ ، چوہدری ضیاء الملک سینیئر ایڈوکیٹ، جہلم ، خضر حیات خان ڈپٹی ڈائریکٹر، سوشل ویلفیئر ڈیپارٹمنٹ ، میمونہ انجم ڈی ای او لٹریسی اینڈ ریٹائرڈ ڈسٹرکٹ ایجوکیشن افیسر ایڈوکیٹ عبدالحفیظ۔نشست کا مرکزی موضوع نماز کی اہمیت و افادیت تھا۔فرحت کمال ضیاء نے اپنے خطاب میں کہا کہ نماز نجات کا ذریعہ ہے اور ہر مسلمان کو اس کی باقاعدہ ادائیگی کو اپنا معمول بنانا چاہیے۔میمونہ انجم نے روزمرہ کے مصروف معمولات میں نماز کو ترجیح دینے پر زور دیا۔چوہدری ضیاء الملک نے شرکاء کو یاد دلایا کہ اللہ تعالیٰ نے دن میں پانچ نمازیں فرض کی ہیں، تاکہ بندہ اپنے رب کے حضور جھک کر سکون حاصل کر سکے۔خضر حیات خان نے معاشرتی تنہائی اور نفسا نفسی کے اس دور میں نماز کو باہمی ربط و ہم آہنگی کا ذریعہ قرار دیا۔ایڈوکیٹ فرحت کمال ضیاء نے پروبیشنرز میں نماز مترجم کتابچے، تسبیح کاؤنٹرز، بچوں کے لیے مفت کاپیاں اور اسکول بیگز تقسیم کیے۔انہوں نے شرکاء سے عہد لیا کہ وہ نماز کی پابندی کریں گے اور دینی اذکار کو اپنی عملی زندگی کا حصہ بنائیں گے، اس موقع پر شرکاء میں کھانا بھی تقسیم کیا گیا۔اختتام پر منیب ظفر ہاشمی ڈسٹرکٹ پروبیشن آفیسر، جہلم نے تمام معزز مہمانوں کا دل کی گہرائی سے شکریہ ادا کیا اور پروبیشنرز پر زور دیا کہ وہ نماز مترجم کا مطالعہ کریں اور اسے اپنی اور اپنے اہل خانہ کی عملی زندگی میں شامل کریں تا کہ ایک نیک، باعمل اور فلاحی معاشرہ تشکیل دیا جا سکے۔

Facebook
Twitter
LinkedIn
Pinterest
Pocket
WhatsApp

متعلقہ خبریں

آل پاکستان اہلحدیث کانفرنس کا کامیاب انعقاد، لاکھوں فرزندانِ اسلام کی شرکت حرمین شریفین سے والہانہ محبت کا اظہار ہے، ڈاکٹر فیض احمد بھٹی، حافظ ساجد محمد مدنی ،تقدسِ حرمین شریفین اور استحکامِ پاکستان کے لیے اہلحدیث ہمہ وقت بیدار اور جذبہ قربانی سے سرشار ہیں، سعودی عرب ہمارا محسن اور بلدِ ثانی ہے، دل ہمیشہ سعودی عرب کے ساتھ دھڑکتے رہیں گے۔۔ مقررین

جہلم کا سپوت بلال اقبال یورپین باکسنگ چیمپئن بن گیا، ترکی میں چار ممالک کے باکسرز کو شکست دے کر گولڈ میڈل جیت لیا، چکوڑہ سمیت ضلع بھر میں خوشی کی لہر دوڑ گئی ضلع جہلم کے لیے ایک اور عالمی اعزاز، چکوڑہ کے نوجوان بلال اقبال نے یورپین باکسنگ چیمپئن شپ جیت کر گولڈ میڈل حاصل کر لیا

اس کرہ ارض پر اللہ کریم نے تمام مخلوقات کو انسان کی خدمت پر لگا رکھا ہے جو کہ دن رات اشرف المخلوقات کے لیے کام میں لگے ہوئے ہیں۔ظاہری نعمتوں کے ساتھ ساتھ باطنی نعمتوں کے لیے انبیاء مبعوث فرمائے جو ہمیں اس خلق سے آگے کی خبر دیتے ہیں۔اللہ کریم خالق ہیں جس کو جتنی حیثیت میں رکھا ہے جتنی استعداد دی وہ بہتر جانتا ہے کس کا کیا مقام ہونا چاہیے۔اگر یہ ساری نعمتیں عطا ہوئی ہیں تو ہم بجاآوری میں اللہ کا شکر کیسے ادا کریں؟ کیا ہم اتباع کر رہے ہیں؟ امیر عبدالقدیر اعوان شیخ سلسلہ کا مرکز دارالعرفان منارہ میں دوروزہ ماہانہ روحانی اجتماع پر واشنگٹن امریکہ سے ویڈیو لنک کے ذریعے خطاب

تازہ ترین خبریں

آل پاکستان اہلحدیث کانفرنس کا کامیاب انعقاد، لاکھوں فرزندانِ اسلام کی شرکت حرمین شریفین سے والہانہ محبت کا اظہار ہے، ڈاکٹر فیض احمد بھٹی، حافظ ساجد محمد مدنی ،تقدسِ حرمین شریفین اور استحکامِ پاکستان کے لیے اہلحدیث ہمہ وقت بیدار اور جذبہ قربانی سے سرشار ہیں، سعودی عرب ہمارا محسن اور بلدِ ثانی ہے، دل ہمیشہ سعودی عرب کے ساتھ دھڑکتے رہیں گے۔۔ مقررین