جہلم//جن پرائیویٹ ہسپتالوں کو سیل کیا گیا تھا ان کو ڈی سیل کر دیا جائے.ڈپٹی کمشنر جہلم نے اسسٹنٹ کمشنر دینہ کو ہدایت کر دی
جہلم (پروفیسر خورشید علی ڈار)ڈپٹی کمشنر جہلم نے اسسٹنٹ کمشنر دینہ کو ہدایت کر دی ہے کہ جن پرائیویٹ ہسپتالوں کو سیل کیا گیا تھا ان کو ڈی سیل کر دیا جائے دو روز قبل اسسٹنٹ کمشنر دینہ نے ہمراہی ڈپٹی ڈسٹرکٹ ہیلتھ افیسر دینہ اور ڈرگ انسپیکٹر چند پرائیویٹ ہسپتالوں کی وزٹ کرنے کے بعد سیل کر دیا تھا میڈیکل ایسوسی ایشن جہلم کے صدر ڈاکٹر ساجد علی ڈوگہ کی قیادت میں متاثرین پرائیویٹ ہسپتال دینہ کے وفد نے ڈی سی جہلم سے ملاقات کی اور اپنے تحفظات کا انہوں نے اظہار کیا ڈی سی جہلم نے فراخ دلی کا مظاہرہ کرتے ہوئے وفد کو یقین دلایا کہ قانون کے مطابق ریلیف دے دیا جائے گا ڈپٹی کمشنر جہلم نے اپنے حاصل شدہ اختیارات کا استعمال کرتے ہوئے اسسٹنٹ کمشنر دینہ کو ہدایت کی کہ سر دست پرائیویٹ ہسپتالوں کو ڈی سیل کر دیا جائے ڈی سی جہلم نے جو اپنے دفتر سے لیٹر بنام اسسٹنٹ کمشنر دینہ کو لکھا ہے اس میں واضح ہے کہ پرائیویٹ ہسپتالوں کے ڈاکٹرز مستقبل میں احتیاط کریں گے انتظامیہ کو شکایت کا موقع نہیں دینگے نیز ڈپٹی کمشنر نے یہ حکم بھی جاری کیا ہے کہ اگر وہ قانون کی خلاف ورزی کریں گے تو انتظامیہ اس سے بھی سخت قدم اٹھائے گی پرائیویٹ ہسپتال دینہ کے کھل جانے سے یقینا اب تحصیل دینہ کے لوگ بہتر طریقے سے استفادہ حاصل کریں گے ۔
