جہلم ( محمد الیاس کھوکھر )ایکسئین آئیسکو جہلم آج وفاقی محتسب اسلام آباد کے سامنے پیش ہونگے ، شہری سجاد کھوکھر نے اوور بلنگ اور ایکسئین کی بدتمیزی پر وفاقی محتسب کو تحریری درخواست دی تھی ، تفصیلات کے مطابق شمالی محلہ جہلم کے رہائشی محمد سجاد کھوکھر نے دسمبر 2024 کا بل بجلی مارچ 2025 میں وصول کرنے ، مطلع کیے بغیر آن لائن میٹر اتارنے ، اوور بلنگ , بار بار مختلف آئیسکو دفاتر کے چکر لگوانے اور ایکسئین آئیسکو جہلم کی بدتمیزی پر وفاقی محتسب اسلام آباد اعجاز احمد قریشی کو تحریری درخواست دی تھی جس پر وفاقی محستب نے متعلقہ آئیسکو افسران کو آج یعنی 13 نومبر 2025 کو اپنے دفتر کمرہ نمبر 13 میں صبح 10 بجے طلب کیا تھا ۔ آج ایکسئین آئیسکو جہلم تمام ریکارڈ لے کر وفاقی محتسب کے دفتر اسلام آباد پیش ہونگے ۔ کمپلیننٹ محمد سجاد کھوکھر بھی اپنا بیان حلفی و دیگر ضروری دستاوزات لے کر اپنے وکیل چوہدری عارف کریم ایڈووکیٹ سپریم کورٹ کے ہمراہ وفاقی محتسب اسلام آباد کے دفتر جائیں گے ۔
