جہلم (نعیم احمد بھٹی) الیکٹرو بسیں کھڑی کی کھڑی رہ گئیں ابھی تک افتتاح نہ ہوسکا افتتاح تاخیر کا شکار شہری بھی ہوئے تذبذب کا شکار افتتاح کب ہوگا ؟ کسی کو کچھ علم نہیں لاری اڈے پر کھڑی بسوں کو تقریبا ایک ماہ ہونے کو ہے لیکن الیکٹرو بسیں ابھی تک جہلم کی سڑکوں پر رواں دواں نہ ہوسکی شہریوں کا کہنا ہے کہ سننے میں آیا ہے کہ انتظامات ابھی نامکمل ہیں تو بسوں کو پہلے لا کھڑا کرنے کی کیا ضرورت تھی پہلے تمام انتظامات مکمل ہوتے تو پھر بسوں کو لایا جاتا شہریوں نے وزیر اعلیٰ پنجاب مریم نواز سے مطالبہ کیا ہے کہ الیکٹرو بسوں کا جلد سے جلد افتتاح کیا جائے تفصیلات کے مطابق جہلم کی سڑکوں پر رواں دواں ہونے والی الیکٹرو بسوں کا افتتاح تاخیر کا شکار ہوتا جا رہا ہے دوسری طرف شہری بھی تذبذب کا شکار نظر آتے ہیں ذرائع کے مطابق بتایا جا رہا ہے کہ ابھی تیاریاں مکمل نہیں ہوئیں بس اسٹیشن ابھی نامکمل ہیں افتتاح کی تاریخ دو بار ملتوی ہوچکی شہریوں کا کہنا تھا کہ وزیر اعلیٰ پنجاب نے ہمارے شہر کے لیے ایک بہت اچھا اقدام کیا تھا لیکن یہ اقدام ابھی تک تاخیر کا شکار نظر آتا ہے الیکٹرو بسیں چلنے سے ہمیں بہترین اور سستی سواری فراہم ہونی تھی افسوس کہ ابھی تک الیکٹرو بسیں تقریبآ ایک ماہ سے اڈے پر ہی کھڑی ہیں ہماری خوشی ہماری مایوسی میں تبدیل ہوتی جا رہی ہے شہریوں نے وزیر اعلیٰ پنجاب مریم نواز سے مطالبہ کیا ہے کہ الیکٹرو بسوں کو جلد سے چلایا جائے اور شہریوں کی مایوسی کو ختم کیا جائے
