کھیوڑہ (راشد خان سے)سینئر صحافی علی حسن اعوان اور علی حسنین اعوان کی دعوتِ ولیمہ اہلِ علاقہ و معزز شخصیات کی بھرپور شرکت اعوان ہاؤس کھیوڑہ میں منعقدہ مشترکہ ولیمہ کی پروقار تقریب میں مذہبی، سیاسی، سماجی اور صحافتی رہنماؤں کی خصوصی آمدسینئر صحافی و وی لاگر علی حسن اعوان اور ان کے بھائی علی حسنین اعوان کی مشترکہ دعوتِ ولیمہ کی شاندار اور پروقار تقریب اعوان ہاؤس کھیوڑہ میں انعقاد پذیر ہوئی۔ تقریب میں مذہبی، سیاسی، سماجی، رفاہی اور صحافتی حلقوں کی ممتاز شخصیات سمیت اہلِ علاقہ کی بڑی تعداد نے بھرپور شرکت کی، جس سے تقریب کی وقعت اور بھی بڑھ گئی۔تقریب کی خاص بات یہ تھی کہ جہلم سے بابائے صحافت محمود مرزا جہلمی چیف ایڈیٹر روزنامہ صدائے مسلم نے خصوصی شرکت کر کے میزبانوں کی خوشی میں اضافہ کر دیا۔ انہوں نے اپنی گفتگو میں علاقائی حالات، سماجی رویّوں، صحافتی ذمہ داریوں اور عوامی شعور کے فروغ پر معنی خیز اظہارِ خیال کیا، جس نے شرکاء کو خوب متاثر کیا۔اس موقع پر سالٹ رینج میڈیا کلب رجسٹرڈ پنڈ دادنخان کے اراکین نے بھی خصوصی طور پر شرکت کی۔ چونکہ علی حسن اعوان میڈیا کلب کے سینئر ممبر ہیں، اس لیے کلب کے تمام نمائندگان نے ان کی خوشیوں میں شریک ہو کر دونوں بھائیوں کو دلی مبارک باد پیش کی اور نیک تمناؤں کا اظہار کیا۔تقریب کے آخر میں پرتکلف عشائیے کا اہتمام کیا گیا۔ میزبانوں علی حسن اعوان اور علی حسنین اعوان نے تمام معزز مہمانوں کی آمد، محبت اور عزت افزائی پر دلی شکریہ ادا کیا اور ان کے لیے نیک خواہشات کا اظہار کیا۔
