جہلم(عاصمہ بانڈے)جماعت اسلامی، حلقہ خواتین ضلع جہلم کے ماہانہ اجتماع ارکان ، حلقہ شمالی پنجاب کے نظم کی شرکت۔ نو منتخب ارکان کی حلف برداری۔ جماعت اسلامی حلقہ خواتین کا ماہانہ اجلاس 25 دسمبر بروز جمعرات دفتر جماعت مشین محلہ نمبر1، جہلم میں منعقد ہوا۔ جس میں حلقہ شمالی پنجاب کی ناظمہ محترمہ زاہدہ اشرہ اور صوبائ بیت المال کی نگران محترمہ بہجت فردوس نے خصوصی شرکت کی۔ پروگرام میں امیدواران کی رکنیت منظور ہوئ اور ناظمہ ضلع محترمہ لبنی سرمدنےتمام ارکان سے حلف لیا اور نئے ارکان کو جماعت میں خوشامدید کہتے ہوے نیک خواہشات کا اظہار کیا۔ دیگر ارکان نے بھی حلف کی ازسرنو یاددہانی پر اپنے جذبات کو تازہ دم محسوس کیا اور ارادوں میں مضبوطی اور جماعت سے وابستگی کے عزم کو دوبارہ دہرایا۔ بعد ازاں محترمہ زاہدہ اشرف صاحبہ نے خواتین ارکان جہلم سے پرجوش خطاب کیا اور محترمہ بہجت فردوس نے دعا سے پروگرام کا اختتام کیا۔
