دینہ:بلال مسجد جامع مدوکالس تحصیل دینہ میں ھونے والے تیسرا سالانہ مقابلہ حسن قرات محمد حسان آف مدوکالس نے پہلی پوزیشن حاصل کر کے 20 ہزار روپے نقد اور ٹرافی انعام میں جیت لی. عبیداللہ نے دوسری اورجواد ندیم نے تیسری پوزیشن حاصل کی ۔عالمی شہرت یافتہ قاری ذیشان حنیف قادری کی لاہور سے آمد ۔ اپنی تلاوت سے خوب داد وصول کی ۔
دینہ(رپورٹ ادریس چودھری ) بلال مسجد جامع مدوکالس تحصیل دینہ میں ھونے والے تیسرا سالانہ مقابلہ حسن قرات محمد حسان آف مدوکالس نے پہلی پوزیشن حاصل کر کے 20 ہزار روپے نقد اور ٹرافی انعام میں جیت لی۔ عالمی شہرت یافتہ قاری ذیشان حنیف قادری کی لاہور سے آمد ۔ مقابلے میں خصوصی شرکت ۔ تفصیلات کے مطابق گزشتہ رات تحصیل دینہ ضلع جہلم کے گاؤں مدوکالس کی جامع مسجد بلال میں تیسرا مقابلہ حسن قرات منعقد ہوا ۔ مقابلے میں عمر کی حد 15 سال تک مقرر کی گئی تھی ۔ تحصیل دینہ سے تعلق رکھنے والے 16 بچوں نے مقابلے میں شرکت کی۔ حتمی نتائج کے مطابق محمد حسان ولد حافظ عامر علی آف مدوکالس نے پہلی پوزیشن حاصل کر لی ۔ انہیں 20 ہزار روپے نقد، ٹرافی، میڈل اور سرٹفکیٹ انعام میں دیا گیا۔ جب کہ عبیداللہ ولد آفتاب احمد سکنہ چک دریہ نے دوم پوزیشن حاصل کی ۔ انہیں 15 ہزار روپے نقد، ٹرافی، میڈل اور سرٹفکیٹ انعام میں دیا گیا ۔ جواد ندیم ولد حافظ ندیم سکنہ ٹھیکریاں دینہ نے تیسری پوزیشن حاصل کر کے 10 ہزار روپے نقد ،میڈل، ٹرافی اور سرٹفکیٹ انعام میں جیت لیا۔ مقابلے میں محمد علیان ولد محمد محسن اشرف نے چوتھی پوزیشن حاصل کی ۔ انہیں 5 ہزار روپے، سرٹیفیکیٹ ، میڈل انعام میں دیا گیا ۔ اس کے علاؤہ مقابلے میں شرکت کرنے والے تمام بچوں کو 2 ہزار روپے فی کس ، سرٹفکیٹ اور میڈل انعام میں دیئے گئے ۔ مقابلہ حسن قرات میں لاہور سے تعلق رکھنے والے عالمی شہرت یافتہ قاری ذیشان حنیف قادری نے بھی خصوصی شرکت کی اور اپنی تلاوت سے خوب داد وصول کی۔ سابق جنرل کونسلر یونین کونسل مدوکالس ماسٹر چودھری محمد اکرم ، علامہ شعیب حسن ، قاری ذیشان حنیف قادری نے شرکاء محفل حسن قرات میں انعامات تقسیم کیے
