دینہ ( رضوان سیٹھی سے) دینہ ، دبئی سے چھٹی پر آیا ہوا 3بچوں کا باپ جنگل میں لکڑی کاٹتے ہوئے پاؤں سلپ ہونے سے گہری کھائی میں گر کر جاں بحق ، گہری کھائی میں گرنے کی آواز سن کر دوست موقع پر پہنچ گئے ، زخموں کی تاب نہ لاتے ہوئے دم توڑ گیا میت گھر پہنچنے پر کہرام مچ گیا ۔ تفصیلات کے مطابق گزشتہ روز دینہ کے نواحی علاقہ تھانہ ڈومیلی کی حدود دہرہ حیال کا رہائشی کاظم حسین ولد محمد اصغر جو کہ عرصہ 22سال سے روزگار کے سلسلے میں دبئی مقیم تھا اور 15دن سے پاکستان اپنے گھر آیا ہوا تھا کہ گزشتہ روز لکڑی کاٹنے کے لیے اپنے دوستوں کے ہمراہ جنگل میں گیا جہاں لکڑی کو کھینچتے ہوئے پاؤں سلپ کر گیا اور گہری کھائی میں جا گرا ساتھ دوستوں نے گرنے کی آواز سنی تو دیکھا کہ کاظم حسین گہری کھائی میں گرا پڑا تھا جس کو فوری طور پر ڈومیلی ہسپتال پہنچایا گیا مگر وہ زخموں کی تاب نہ لاتے ہوئے راستے میں دم توڑگیا ، جاں بحق ہونے والا کاظم 3بچوں کا باپ تھا ، میت گھر پہنچنے پر کہرام مچ گی
