پروفیسر خورشید علی ڈار کی رپوٹ کے مطابق ۔ ڈسٹرکٹ ہیڈ کواٹر ہسپتال جہلم میں بہت کچھ ہو چکا ہے جبکہ مزید کافی کچھ کرنا میری ذمہ داری ہے ڈاکٹر زاہد تنویر ایم ایس سول ہسپتال جہلم نے مختلف سوالات کے جوابات دیتے ہوئے کہا کہ اللہ کے فضل سے سول ہسپتال کے جملہ ملازمین و ڈاکٹرز صاحبان ہمہ وقت سروس دیتے ہیں کیتھ لیب کی وجہ سے انتظامی ذمہ داریوں میں اضافہ ہو چکا ہے کوشش ہوگی کہ جس مقصد کے لیے کیتھ لیب مرض وجود میں آئی ہے اس مقصد کو حاصل کیا جائے میری اولین ترجیح ہے کہ مروجہ قانون کے تحت ہسپتال ہذا میں کام ہو میں مطلق اپنی پسند ناپسند نہیں رکھتا محکمانہ ہدایات پر عمل کرنا میری فطرت ہے کوشش ہوگی کہ مریضوں کو بہتر سے بہتر سہولتیں مہیا کی جا سکیں ان کا کہنا تھا کہ ہسپتال ہذا میں چند اہم پوسٹیں خالی ہیں جن کی وجہ سے انتظامی مسائل پیدا ہوتے ہیں مجاز اتھارٹی سے مل کر جملہ ضروریات کو پورا کرنے کی کوشش کی جائے گی۔یہ امر قابل ذکر ہے کہ ڈاکٹر زاہد تنویر اس سے قبل متعدد اعلی پوسٹوں پر فرائض منصبی سر انجام دے چکے ہیں امید کی جاتی ہے کہ مذکورہ افیسر اپنی قائدانہ صلاحیتوں کو بروئے کار لا کر سول ہسپتال جہلم کو عوام الناس کے لیے مثالی بنائیں گے۔
