جہلم (نعیم احمد بھٹی) شفاف حکمرانی کی جانب اہم قدم، جہلم میں پنجاب شفافیت و معلومات تک رسائی قانون 2013 پر ایک روزہ تربیتی ورکشاپ تفصیلات کے مطابق پنجاب شفافیت اور معلومات تک رسائی کا قانون 2013 کے تحت ضلع کونسل ہال جہلم میں ایک روزہ تربیتی ورکشاپ کا انعقاد کیا گیا۔ تربیتی سیشن کا مقصد صحافیوں اور شرکاء کو معلومات تک رسائی کے قانونی حق، شفاف حکمرانی اور عوامی اداروں کی جوابدہی سے آگاہ کرنا تھا۔ورکشاپ میں ایگزیکٹو ڈائریکٹر ایس ایس ڈی او سید کوثر عباس نے خصوصی شرکت کی اور شرکاء سے خطاب کرتے ہوئے کہا کہ معلومات تک رسائی ایک مضبوط جمہوریت کی بنیاد ہے، جس سے عوام اور اداروں کے درمیان اعتماد کو فروغ ملتا ہے۔ تقریب کے اختتام پر صحافیوں کو کامیاب شرکت پر سرٹیفکیٹس سے نوازا گیا۔ شرکاء نے تربیتی ورکشاپ کو معلوماتی اور پیشہ ورانہ صلاحیتوں میں اضافے کے لیے نہایت مفید قرار دیا۔
