جہلم//پریس کانفرنس میں سید خلیل حسین شاہ کاظمی کی جانب سے لگائے گئے الزامات بے بنیاد اور حقائق کے منافی ہیں۔ایس ایچ او تھانہ سول لائنز کے خلاف کی جانے والی پریس کانفرنس کے معاملے پر وضاحت

جہلم (نعیم احمد بھٹی) گزشتہ روز سید خلیل حسین شاہ کاظمی کی جانب سے ایس ایچ او تھانہ سول لائنز کے خلاف کی جانے والی پریس کانفرنس کے معاملے پر وضاحت تفصیلات کے مطابق گزشتہ روز سید خلیل حسین شاہ کی جانب سے پریس کانفرنس میں ایس ایچ او سول لائن پر لگائے گئے الزامات کی تردید پولیس ترجمان کے مطابق سید خلیل حسین شاہ کاظمی کی دیوار کے تنازعہ کا معاملہ درپیش تھا، درخواست DRC کمیٹی کو دی گئی جس پر قانونی کارروائی کے بعد فیصلہ سید خلیل حسین شاہ کاظمی صاحب کے خلاف آیا ،فیصلے کی روشنی میں دوسرے فریق نے تعمیر کا عمل مکمل کر لیا،بعد ازاں سید خلیل حسین شاہ کاظمی کی جانب سے درخواست دائر کی گئی جس پر ڈی ایس پی انویسٹیگیشن کو انکوائری مارک کر دی گئی ہے اور اس وقت انکوائری کا عمل جاری ہے، پریس کانفرنس میں سید خلیل حسین شاہ کاظمی کی جانب سے لگائے گئے الزامات بے بنیاد اور حقائق کے منافی ہیں،کسی کے ساتھ ناانصافی نہیں ہوگی اور حقائق سامنے آنے پر ذمہ داران کے خلاف محکمانہ کارروائی عمل میں لائی جائے گی ،ڈسٹرکٹ پولیس آفیسر جہلم طارق عزیز سندھو