دینہ (رضوان سیٹھی سے) دینہ جی ٹی روڈ پر لگا شیر شاہ سوری کا گھڑ سوار مجسمہ کو ہٹا دیا گیا اس کی جگہ نیا گھڑ سوار مجسمہ راجہ سارنگ کا نصب کر دیا گیا، شہری حلقوں میں مختلف چہ مگوئیاں گردش کرنے لگیں۔ تفصیلات کے مطابق 2روز قبل دینہ جی ٹی روڈ جامع مسجد کے سامنے لگا شیر شاہ سوری کا گھڑ سوار مجسمہ کو اچانک ہٹا کر اس کی جگہ نیا گھڑ سوار راجہ سارنگ کا نصب کر دیا گیا، جس پر شہری حلقوں نے اچانک شیر شاہ سوری کا مجسمہ تبدیل کر کے راجہ سارنگ کا نصب کرنے پر حیرت کا اظہار کیا اور مختلف چہ مگوئیاں سارا دن گردش کرتی رہیں۔
