دینہ(سہیل انجم قریشی سے) محسن عباس کو بطور ایس ایچ او تھانہ منگلا تعینات کر دیا گیا، انہوں نے اپنے عہدے کا چارج سنبھال کر باقاعدہ کام کا آغاز کر دیا ہے۔تفصیلات کے مطابق محس عباس کو ایس ایچ او منگلا تعینات کر دیا گیا محسن عباس نے میڈیا سے گفتگو کرتے ہوئے کہا کہ میڈیا کے تعاون سے جرائم کے خاتمے میں مدد ملتی ہےجرائم پیشہ عناصر کا قلع قمع ان کی اولین ترجیح ہے جبکہ علاقے میں امن و امان کا قیام اور شہریوں کی جان و مال کا تحفظ پولیس کی بنیادی ذمہ داری ہے کسی کے ساتھ ناانصافی یا زیادتی برداشت نہیں کی جائے گی اور ان کے دروازے عوام کے لیے 24 گھنٹے کھلے ہیں۔ایس ایچ او نے شہریوں سے اپیل کی کہ وہ اپنے اردگرد مشکوک سرگرمیوں پر نظر رکھیں اور پولیس کے ساتھ تعاون کریں والدین اپنے بچوں کو پتنگ بازی جیسے خطرناک اور جان لیوا عمل سے دور رکھیں کیونکہ اس کی ہرگز اجازت نہیں دی جا سکتی۔
