دینہ:جماعت اسلامی دینہ کے زیرِ اہتمام نجی میرج ہال میں عید ملن پارٹی کا انعقاد ۔ بڑی تعداد میں شہریوں کی شرکت ۔ ڈاکٹر طارق سلیم امیر جماعت اسلامی صوبہ پنجاب شمالی کی بطورِ مہمان خصوصی شرکت ۔امیر جماعت اسلامی ضلع جہلم ڈاکٹر قاسم محمود چودھری،امیر جماعت اسلامی دینہ شہر مظاہر الاسلام کا بھی خطاب و شرکت
دینہ(رپورٹ:ادریس چودھری)جماعت اسلامی دینہ کے زیرِ اہتمام نجی میرج ہال میں عید ملن پارٹی کا انعقاد ۔ بڑی تعداد میں شہریوں کی شرکت ۔ ڈاکٹر طارق سلیم امیر جماعت اسلامی صوبہ پنجاب شمالی کی بطورِ مہمان خصوصی شرکت ۔تفصیلات کے مطابق گزشتہ رات حسب سابق جماعت اسلامی دینہ نے نجی میرج ہال میں ایک شاندار ، پروقار عید ملن پارٹی کا اہتمام کیا ۔ جس میں تحصیل دینہ سے شہریوں کی کثیر تعداد نے شرکت کی۔ تقریب کے مہمان خصوصی ڈاکٹر طارق سلیم امیر جماعت اسلامی صوبہ پنجاب شمالی تھے۔ تقریب میں سٹیج سیکرٹری کے فرائض راجہ دلشاد قمر نے سر انجام دیئے ۔ تقریب کا آغاز حافظ ظفر اقبال نے تلاوت کلام پاک سے کیا۔ جب کہ میر مجاہد حسین اور سید شاہد اکرام نے نعت رسول مقبول صلی اللہ علیہ وسلم پیش کی ۔ اس موقع پر خطاب کرتے ہوئے امیر جماعت اسلامی ضلع جہلم ڈاکٹر قاسم محمود چودھری نے کہا رمضان المبارک خوشیوں ، برکتوں اور عبادات کا مہینہ ھوتا ھے۔ رمضان المبارک کے بعد عید اللہ تعالیٰ کا خصوصی تحفہ اور انعام ھوتا ھے۔ پاکستان بھی رمضان المبارک میں آزاد ھوا ۔ جو تا قیامت قائم رہے گا ۔بدقسمتی سے یہاں ابھی تک اردو کی جگہ انگریزی زبان بطور سرکاری زبان استعمال کی جا رہی ہے ۔ جس پر افسوس ھی کیا جا سکتا ھے ۔ ہمیں چاہیئے کہ رمضان المبارک کے بعد بھی 11 ماہ رمضان کی طرح گزاریں۔ قرآن مجید کو سمجھ کر پڑھیں۔ اور اس پر عمل کریں ۔عید ملن پارٹی کی تقریب سے خطاب کرتے ہوئے مہمان خصوصی امیر جماعت اسلامی پاکستان صوبہ پنجاب شمالی ڈاکٹر طارق سلیم نے کہا کہ اس وقت پورا عالم اسلام ایک آزمائش سے گزر رہا ھے۔ ایران کی جنگ پھیل رہی ہے ۔ اس موقع پر ہمیں اتحاد و اتفاق کا مظاہرہ کرنا ھو گا۔ فرقہ واریت سے بچنا ھو گا ۔ امریکہ سنی شیعہ کو نہیں دیکھتا اس کے حملوں کی زد میں سب آ رھے ھیں۔ ایران کی ٹاپ لیڈر شب شہید ہو چکی ہے۔مگر ایران کی بے مثال جرات و بہادری کے سامنے صدر ڈونلڈ ٹرمپ ریت کی دیوار ثابت ھو رھا ھے۔ افغانستان میں روس کو شکست ھوئی تھی۔ افعانستان روس کا قبرستان بن گیا تھا۔اب باری امریکہ اور اسرائیل کی ہے۔ امریکہ اس وقت ڈھلوان پر کھڑا ھے۔ امریکی صدر ڈونلڈ ٹرمپ بری طرح پھنس چکا ہے۔ 80 لاکھ لوگوں نے امریکہ میں اس کے خلاف مظاہرہ کیا۔ مسلم لیگ ن کی حکومت کی اس جنگ کے بارے میں پالیسی کی حمایت کرتے ہیں ۔ اس نے اسلامی ممالک کو آپس میں جوڑ کر رکھا ہے ۔ ان شاءاللہ اس جنگ میں امریکہ اور اسرائیل کو عبرتناک شکست ھو گی۔ امیر جماعت اسلامی پاکستان حافظ نعیم الرحمان صورت حال پر گہری نظر رکھے ھوئے ھیں ۔ جماعت اسلامی کسی بھی قربانی سے دریغ نہیں کرے گی۔ عید ملن پارٹی سے امیر جماعت اسلامی دینہ شہر مظاہر الاسلام نےبھی خطاب کیا۔ تقریب کے آخر میں تمام مہمانوں کے لیے پرتکلف کھانے کا اہتمام کیا گیا ۔
