جہلم (نعیم احمد بھٹی) سٹی ہاؤسنگ سوسائٹی اسکیم غریب لوگوں کے لیے وبال جان بن گئی ایفل ٹاور کے نام پر کروڑوں روپے لوٹنے والے اب غریبوں کو سیوریج کے گندے پانی سے وبائی امراض میں مبتلا کرنے لگے سٹی ہاؤسنگ سوسائٹی اسکیم کا سیوریج سسٹم کا نظام غریب علاقوں میں چھوڑ دیا گیا کشمیر کالونی سمیت ارد گرد کے علاقوں میں کئی لوگوں کی دیواریں بھی گرنے لگیں ضلعی انتظامیہ بھی خاموش بااثر سوسائٹی کے مالکان قانون بھی اپنے ہاتھوں میں لینے لگے اہل علاقہ نے ڈپٹی کمشنر سے نوٹس لینے کا مطالبہ کیا ہے تفصیلات کے مطابق سٹی ہاؤسنگ اسکیم ایفل ٹاور کے نام پر کروڑوں کی فائلز فروخت کرنے کے بعد کئی شہریوں کو کروڑوں روپے کا چونا لگا چکے لیکن انتظامیہ سمیت کوئی بھی محکمہ اور کوئی بھی ادارہ اس کے خلاف کوئی کاروائی نہ کر سکا اب نیا کھیل کھیلا گیا سیوریج سسٹم کا تعفن زدہ پانی کشمیر کالونی سمیت ارد گرد کے علاقوں میں چھوڑ دیا گیا تعفن زدہ پانی نہ صرف اہل علاقہ کے لوگوں کی زندگی کے لیے خطرے کا باعث بن گیا بلکہ کئی مکانوں کی دیواریں بھی ہلا گیا اہل علاقہ کے لوگوں کا کہنا ہے کہ کوئی ہے جو ان بااثر افراد کو لگام ڈال سکے کیا یہ سوسائٹی صرف مار دھاڑ اور غریبوں کو تنگ کرنے کے لیے بنائی گئی تھی ضلعی انتظامیہ کو کئی بار کہہ چکے لیکن اس پر ابھی تک کوئی عمل درآمد نہ ہوسکا اہل علاقہ کے لوگوں نے مزید کہا کہ اس تعفن زدہ پانی سے ہمارے بچے بھی کئی امراض میں مبتلا ہونے لگے مچھروں اور مکھیوں کی بہتات ہوچکی اہل علاقہ کے لوگوں نے ڈپٹی کمشنر میر رضا اوزگن سے مطالبہ کیا ہے کہ سٹی ہاؤسنگ سوسائٹی کا سیوریج سسٹم کا جو پانی ہمارے علاقوں میں آ رہا ہے اس کو بند کروایا جائے اور ہمیں اور ہمارے بچوں کو وبائی امراض میں مبتلا ہونے سے بچایا جائے
