جہلم (نعیم احمد بھٹی) چاندنی چوک کی سڑک پر چنگ چی مافیا کا راج رکشے سڑکوں پر جس سے ٹریفک بری طرح متاثر ٹریفک پولیس صرف شاندار چوک تک محدود سرکار کے احکامات پر چالان کرنے میں مصروف ٹریفک جائے بھاڑ میں ڈی ایس پی ٹریفک کی ناقص ترین کارکردگی پر شہریوں نے بھی سوالات اٹھا دئیے ؟ آخر چنگ چی مافیا کس کے قابو میں آئے گا کوئی تو ہو جو انہیں روکے شائید مینوں نوٹ وکھا میرا موڈ بنے والی بات نہ ہو اب تو بازار کی کوئی ایسی سڑک نہیں جہاں چنگ چی رکشہ والوں کا قبضہ نہ ہو شہریوں نے ڈسٹرکٹ پولیس آفیسر شفیق چوہدری سے نوٹس لینے کا مطالبہ کیا ہے تفصیلات کے مطابق شہر کی مصروف سڑک چاندنی چوک پر چنگ چی مافیا کا قبضہ جہاں مرضی ہے رکشے کھڑے کریں کوئی پوچھنے والا نہیں کیونکہ سرکار نے تو ٹریفک پولیس والوں کو شاندار چوک میں صرف چالانوں تک محدود کر رکھا ہے کیونکہ ٹارگٹ بھی تو پورا کرنا ہے ہر افسر سے رات کو پوچھ گچھ ہوگی کہ تم نے آج دن میں کتنے چالان کیے اور حکومت پنجاب کے ریونیو میں کتنا اضافہ کیا ؟ شہری بھی اس پر پریشان نظر آتے ہیں شہریوں کا کہنا ہے کہ جس طرح عام شہریوں کو ہیلمٹ نہ پہننے پر پوری پولیس کو دھڑا دھڑ لوگوں کو پکڑنے میں لگا رکھا تھا اور جگہ جگہ ناکہ بندی کی گئی تھی اور عام شہریوں پر ایف آئی آر بھی درج کی گئی تھیں اگر اسی طرح پولیس ان چنگ چی مافیا پر ہاتھ ڈالے تو کوئی وجہ نہیں کہ شہر کی سڑکوں پر ٹریفک کی روانی متاثر ہو آخر ٹریفک پولیس اہلکار کہاں ڈیوٹی دے رہے ہیں نئی نفری کدھر ہے خواتین اہلکار کہاں ہیں اب تو نفری بھی کافی بڑھائی گئی لیکن ٹریفک کے معاملات جوں کے توں ہیں کیا ان رکشہ ڈرائیوروں کے لائسنس اور کاغذات کبھی چیک کیے گئے شہریوں نے نئے آنے والے ڈسٹرکٹ پولیس آفیسر شفیق چوہدری سے مطالبہ کیا ہے شہر کے بازاروں کو چنگ چی مافیا سے نجات دلائیں اور ان کے بنائے گئے غیر قانونی اڈوں کو ختم کیا جائے
