جہلم:بورڈ آف مینجمنٹ ،پنجاب سمال انڈسٹریزاسٹیٹ جہلم کی پہلی ماہانہ میٹنگ،ریجنل ڈائریکٹر پی ایس آئی سی ،راولپنڈی ڈویژن کی خصوصی شرکت
جہلم(ادریس چودھری )بورڈ آف مینجمنٹ ،پنجاب سمال انڈسٹریزاسٹیٹ جہلم کی پہلی ماہانہ میٹنگ،ریجنل ڈائریکٹر پی ایس آئی سی ،راولپنڈی ڈویژن کی خصوصی شرکت،صدربورڈ آف مینجمنٹ راجہ محمدانور،انچارج سمال انڈسٹریز اسٹیٹ جہلم رضوان کیانی ،سینئرنائب صدربورڈ آف مینجمنٹ جہلم شیخ اسلام الدین نے ریجنل ڈائریکٹرخرم آفتاب ڈار کاشانداروالہانہ استقبال کیا،تفصیل کے مطابق بورڈ آف مینجمنٹ سمال انڈسٹریز اسٹیٹ جہلم کی پہلی ماہانہ میٹنگ کاانعقاد بورڈ آف مینجمنٹ کے کانفرنس ہال میں ہوا، میٹنگ میں ریجنل ڈائریکٹر پی ایس آئی سی راولپنڈی ڈویژن خرم آفتاب ڈار نے خصوصی شرکت کی، ریجنل ڈائریکٹر کی جہلم آمد پر صدربورڈ آف مینجمنٹ جہلم راجہ محمدانور، سینئرنائب صدرشیخ اسلام الدین اوراسٹیٹ انچارج رضوان کیانی نے انکا شانداراستقبال کیا،میٹنگ کاباقاعدہ آغاز تلاوت کلام پاک سے ہوا،اس موقع پربورڈ آف مینجمنٹ کے ممبران نے کثیرتعداد میں شرکت کی ،ریجنل ڈائریکٹرخرم آفتاب ڈار کو اسٹیٹ ہذا کے مسائل کے حوالہ سے آگاہ کیاگیا،جس پر انہوں نے اپنے مکمل تعاون اورمسائل کے حل کی یقین دہانی کروائی۔میٹنگ کے اختتام پرریجنل ڈائریکٹر خرم آفتاب ڈار، اسٹیٹ انچارج رضوان کیانی اورصدربورڈ آف مینجمنٹ جہلم راجہ محمدانور نے اسٹیٹ کاوزٹ بھی کیا۔
