رپورٹ میاں ناصر اعوان۔۔۔ فصل کے تنازع پر تصادم خاتون جاں بحق، مرد شدید زخمی *پنڈ دادن خان* کے علاقے للہ کے نواحی قصبہ ڈھوک برز میں فصل کے تنازع نے خوفناک رخ اختیار کر لیا، جہاں معمولی تلخ کلامی خونی جھگڑے میں تبدیل ہو گئی۔ افسوسناک واقعے کے نتیجے میں ایک خاتون جان کی بازی ہار گئی جبکہ ایک مرد شدید زخمی ہو گیا۔ذرائع کے مطابق دونوں فریقین کے درمیان فصل کو نقصان پہنچانے کے معاملے پر جھگڑا شروع ہوا، جو دیکھتے ہی دیکھتے شدت اختیار کر گیا۔ مشتعل افراد نے ایک دوسرے پر حملہ کر دیا، جس کے نتیجے میں خاتون موقع پر ہی دم توڑ گئی جبکہ زخمی ہونے والے شخص کو تشویشناک حالت میں فوری طور پر للہ ہسپتال منتقل کر دیا گیا، جہاں اسے طبی امداد فراہم کی جا رہی ہے۔واقعے کی اطلاع ملتے ہی ڈی ایس پی پنڈ دادن خان پولیس نفری کے ہمراہ موقع پر پہنچ گئے اور شواہد اکٹھے کرتے ہوئے حالات کا جائزہ لیا۔ پولیس نے مقدمہ درج کر کے ملزمان کی تلاش شروع کر دی ہے۔علاقہ مکینوں میں واقعے کے بعد شدید خوف و ہراس پایا جاتا ہے، جبکہ عوام نے اعلیٰ حکام سے فوری نوٹس لے کر ذمہ داران کو سخت سزا دینے کا مطالبہ کیا ہے
