*سوہاوہ میں زمین کے تنازعہ پر دو گروپوں میں تصادم ، 11 افراد زخمی چھ زخمیوں کی حالت تشویش ناک**پولیس نے موقع پہ پہنچ کر صورتحال پر قابو پالیا، دونوں گروپوں کی درخواستیں وصول کر کے قانونی کارروائی شروع کر دی*
جہلم (حافظ محمد یعقوب داتار)جہلم کی تحصیل سوہاوہ کے نواحی علاقے ڈھوک نلہ میں زمین کے تنازعہ پر دو گروپوں کے درمیان تصادم ہوا جس کے نتیجے میں 11 افراد زخمی ہو گئے جن میں سے چھ افراد کی حالت تشویش ناک بتائی جا رہی ہے پولیس کے مطابق دونوں گروپوں کے افراد کا سامنا گلی میں ہوا جس کے بعد جھگڑا شدت اختیار کر گیا ڈنڈوں اور آہنی راڈوں کا استعمال کیا گیا اس تصادم کے نتیجے میں ایک گروپ کے سات اور دوسرے گروپ کے چار افراد زخمی ہو گئے ۔ اطلاع ملتے ہی تھانہ سوہاوہ پولیس موقع پہ پہنچ گئی اور صورتحال پہ قابو پا لیا ۔ تمام زخمیوں کو فوری طور پر تحصیل ہیڈ کوارٹر اسپتال سوہاوہ منتقل کیا گیا جبکہ شدید زخمی چھ افراد کو راولپنڈی منتقل کر دیا گیا پولیس کے مطابق زخمیوں میں محمد عمران ، کبیر احمد، حارث عمران، پرویزاختر، زاہدحسین، عباس حیدر، ناصرجمیل ، فرازحیدر شہریار احمد ،حسیب حیدر اور سلطان شامل ہے پولیس نے دونوں فریقین کی درخواستیں وصول کر کے قانونی کاروائی شروع کر دی ہے
