جہلم// ادریس چودھری//
جہلم جعفر مال جی ٹی روڈ کے قریب تیز رفتاری کے باعث موٹرسائیکل پیچھے سے ٹرک سے ٹکرا گئی، حادثے میں ایک 23 سالہ نوجوان جاں بحق جبکہ دو افراد زخمی ہوگئے۔
تفصیلات کے مطابق جہلم جعفر مال جی ٹی روڈ کے قریب تیز رفتاری کے باعث موٹرسائیکل بے قابو ہو کر پیچھے سے ٹرک سے ٹکرا گئی، جس کے نتیجے میں ایک نوجوان جاں بحق جبکہ دو افراد زخمی ہوگئے۔
جاں بحق ہونے والے نوجوان کی شناخت نوید ولد خادم حسین عمر 23 سال کے نام سے ہوئی ہے۔ اطلاع موصول ہوتے ہی ریسکیو 1122 ٹیم فوری طور پر جائے حادثہ پر پہنچ گئی۔ جاں بحق ہونے والے نوجوان کی ڈیڈ باڈی کو ضروری کارروائی کے بعد ڈی ایچ کیو ہسپتال جہلم منتقل کر دیا گیا، جبکہ زخمیوں کو ابتدائی طبی امداد فراہم کرنے کے بعد ڈی ایچ کیو ہسپتال جہلم منتقل کر دیا گیا۔
