پنڈدادنخان ( راشدخان سے)راولپنڈی ڈویژن کے ممتاز کاروباری و سماجی رہنما افتخار ملک کو انٹرنیشنل اچیومنٹ ایوارڈازبکستان کے دارالحکومت تاشقند میں منعقدہ بین الاقوامی تقریب میں انٹرنیشنل اچیومنٹ ایوارڈ سے نوازا گیا، جہاں دنیا بھر کی نمایاں شخصیات نے اپنی اپنی فیلڈ میں شاندار کارکردگی دکھائی۔تفصیلات کے مطابقتاشقند میں منعقدہ اس تقریب میں توانائی کے شعبے کے سپلائرز، فیول سیکٹر، ایل پی جی، ایل این جی اور سی این جی کے میدان میں نمایاں کردار ادا کرنے والے کاروباری افراد کو ان کے شاندار کام کے اعتراف میں ایوارڈز دیے گئے۔ افتخار ملک، جو ایسوسی ایٹ کے اونر کے طور پر نہ صرف کاروباری میدان میں اپنی مہارت کے لیے معروف ہیں بلکہ سماجی خدمات کے لیے بھی قابلِ ستائش کردار ادا کر رہے ہیں، کو اس عالمی اعزاز سے نوازا گیا۔ تقریب کے دوران افتخار ملک کی کاروباری صلاحیتوں، وژن اور سماجی خدمات کو سراہا گیا، اور ان کی کامیابیوں کو بین الاقوامی سطح پر تسلیم کیا گیا۔ دیگر بین الاقوامی کاروباری شخصیات نے بھی ان کے کام کی تعریف کی اور مستقبل میں مزید کامیابیوں کے لیے ان کی حوصلہ افزائی کی۔ افتخار ملک کی یہ کامیابی نہ صرف ان کی ذاتی محنت کا نتیجہ ہے بلکہ راولپنڈی ڈویژن کے کاروباری اور سماجی منظرنامے کے لیے بھی باعثِ فخر ہے۔
