جہلم (نعیم احمد بھٹی) جہلم کے گاؤں رڑیالہ بیرم کا شہری ابوزر کی انکوائری ابھی تک نہ کی جا سکی ابوزر کچھ روز پہلے آر پی او راولپنڈی کی دینہ میں کھلی کچہری میں پیش ہوا تھا جہاں پر درخواست دی گئی کہ علاقے کی بااثر شخصیت مجھ پر تھانے میں جھوٹی درخواستیں دے رہا ہے مجھے انصاف فراہم کیا جائے ذاتی چپقلش بنا کر مجھے ذلیل و خوار کیا جا رہا ہے کل مجھے ڈی پی او آفس بلایا گیا لیکن دن دو بجے یہ کہہ کر واپس بھیج دیا کہ آج ڈی پی او مصروف ہیں میں ایک غریب آدمی ہوں کرایہ خرچ کر کے نہیں آسکتا میں چھ گھنٹے تک بیٹھا رہا ڈی پی او جہلم سے انصاف فراہم کرنے کی اپیل تفصیلات کے مطابق تحصیل جہلم کے گاؤں رڑیالہ بیرم کا شہری ابوزر دو سال سے انصاف کے لیے در بدر شہری ابوزر نے روزنامہ صدائے مسلم کے چیف سٹی رپورٹر سے بات چیت کرتے ہوئے کہا کہ علاقے کی ایک بااثر شخصیت مجھ پر تھانہ چوٹالہ میں جھوٹی درخواست دے دے کر مجھ پر ایف آئی آر درج کروا رہا ہے جو بھی مجھ پر الزام لگایا وہ جھوٹا ہی نکلا اور عدالت سے باعزت بری بھی ہوا لیکن اس کے باوجود وہ شخص مجھے تنگ کر رہا ہے اور تھانہ میں جھوٹی درخواستیں دے رہا ہے میں کچھ روز پہلے دینہ میں آر پی او راولپنڈی کی کھلی کچہری میں بھی پیش ہوا جہاں پر آر پی او نے مجھے باعزت طریقے سے سنا اور درخواست ڈی پی او آفس مارک کر دی کل مجھے فون پر بلایا گیا کہ تمھاری انکوائری آپ صبح ڈی پی او آفس پہنچ جائیں لیکن چھ گھنٹے انتظار کے بعد کہا گیا کہ آپ چلے جائیں دوبارہ ہم آپ کو بلا لیں گے میں غریب آدمی ہوں میرے پاس اتنے پیسے نہیں کہ میں کرایہ خرچ کر کے ہر دوسرے دن جہلم جاؤں چوٹالہ تھانے سے بھی ہو کر آیا لیکن کہیں میری شنوائی نہیں ہو رہی شہری ابوزر نے ڈسٹرکٹ پولیس آفیسر جہلم طارق سندھو سے مطالبہ کیا ہے کہ مجھے انصاف فراہم کیا جائے اور میرے خلاف جھوٹی درخواستیں دینے والے کے خلاف قانونی کارروائی کی جائے
