جہلم( پروفیسر خورشید علی ڈار).قلبی ویلفیئر سوسائٹی آف ہڈالہ سیداں کی طرف سے محکمہ صحت کو قیمتی میڈیسن اور 1122 ادارے کو معیاری فریج عطیہ کیا گیا تقریب کی مہمان خصوصی صفاء عابد اسسٹنٹ کمشنر دینہ تھیں محکمہ صحت کی نمائندگی ڈاکٹر ارشاد تنیو ڈپٹی ڈسٹرکٹ ہیلتھ آفیسر دینہ نے کی جبکہ 1122 کی نمائندگی رانا ضیاء نے کی ۔مہمان خصوصی کی آمد پر پرجوش استقبال کیا گیا تقریب کا آغاز تلاوت قرآن پاک سے ہوا قلبی ویلفیئر سوسائٹی کی صدر خاتون سید نے تمام مہمانوں کی آمد کا شکریہ ادا کیا نیز جو اشیاء عطیہ کی گئی اس کی غرض و غایت سے آگاہ کیا گیا مقامی لوگوں کی اکثریت نے اس تقریب میں شرکت کی اسسٹنٹ ڈائریکٹر ویلفیئر حلیم صاحب بھی تقریب میں موجود تھے سید ذوالفقار شاہ آف ہڈالہ سیداں نے صفاء عابد اسسٹنٹ کمشنر دینہ اور ڈاکٹر ارشاد تنیو ڈپٹی ڈسٹرکٹ ہیلتھ آفیسر دینہ کی آمد کو بنظراحسن دیکھا قلبی ویلفیئر سوسائٹی کی صدر نے کہا کہ معصوم بچے بنیادی میڈیسن سے محروم تھے لہذا آللہ کی دی ہوئی توفیق سے میں نے میڈیسن رورل ہیلتھ سنٹر دینہ کو دی ہیں جبکہ 1122 دینہ کے آفس میں آفیسران و اہلکاران ٹھنڈا پانی پینے سے محروم تھے لہذا ان کو قیمتی فریج بھی عطیہ کیا گیا صفاء عابد اسسٹنٹ کمشنر دینہ نے اپنے خطاب میں کہا کہ ہمارے اکٹھے ہونے کا ایک مقصد ہے کہ ہم مخلوق خدا کی کس طرح کر سکتے ہیں ان کا کہنا تھا کہ مجھے اس بات کا ادراک ہے کہ رورل ہیلتھ سنٹر دینہ میں میڈیسن حسب ضرورت نہیں ہیں اس حوالے سے خاتون سید نے جس جذبے کے تحت کام کیا ہے اور بچوں کی میڈیسن مہیا کی ہیں وہ ہر حوالے سے قابل تعریف ہے اسی طرح خاتون سید نے 1122 ادارے کو جو فریج عطیہ کیا ہے اس کی بھی جتنی تعریف کی جائے کم ہے بلاشبہ انسان وہی کام کرتا ہے جس کی توفیق خدا وند تعالیٰ کی ذاتِ دیتی ہے اس حوالے یہ خاندان بڑا خوش قسمت ہے کہ آللہ تعالیٰ نے ان کو خصوصی نعمتوں سے نوازا ہے اور میں یہ توقع کرتی ہوں کہ وہ مستقبل میں بھی اسی جذبے کے تحت کام کرتے رہیں گے یقینآ اللہ کی خوشنودی ان کو نصیب ہو گی
