بلیک برن ( مظہر اقبال چودھری) پاکستان سے دورے پر آئے ہوئے معروف قانون دان منظور حسین بوسال ایڈوکیٹ آف منڈی بہاؤالدین کی مئیر آف پینڈل کونسلر محمد عامر سے ملاقات،۔۔ملاقات میں دو طرفہ امور پر گفتگو کی گئی ۔تفصیلات کے مطابق ایڈووکیٹ منظور حسین بوسال نے گذشتہ روز مئیر آف پینڈل کونسلر محمد عامر سے ان کے آفس میں ملاقات کی ۔اس موقع پر ان کے ساتھ حاجی محمد خان آف طار ،چودھری منیر حسین آف گھرمالہ ،تیمور عباس بوسال اور حسن بوسال بھی موجود تھے ۔مئیر آف پینڈل نے مہمانوں کواپنے آفس میں آمد پر خوش آمدید کہا ۔اور پینڈل کونسل کے مختلف شعبوں کا دورہ کروایا اور بتایا کہ کس طرح سے برطانیہ کی لوکل گورنمنٹ کام کرتی ہے ۔منظور حسین بوسال ایڈووکیٹ نے کہا کہ مجھے بڑا فخر ہے کہ پاکستانی کمیونٹی برطانیہ کے ہر شعبہ زندگی میں اہم کردار ادا کر رہی ہے اور مقامی حکومتوں میں شریک ہوکر اعلی عہدوں تک پہنچی ہے ۔جو یقینا پاکستان کے لیے بھی فائدہ مند ثابت ہو رہا ہے ۔
