کھیوڑہ( راشد خان سے)تحصیل پنڈ دادنخان میں دوہرا معیار کیوں؟ موٹر سائیکل سواروں پر سختی، مگر اوور لوڈ ڈیمپر اور ٹرالے قانون کی گرفت سے باہر کیوں؟کھیوڑہ اور پنڈ دادنخان شہر سمیت گردونواح میں ہیلمٹ و لائسنس پر جرمانے لیکن مرکزی سڑکوں پر اوور لوڈ گاڑیوں، بائیس ویلرز اور خطرناک ڈیمپروں کی آزادانہ آمدورفت پر ٹریفک پولیس خاموشتفصیلات کے مطابق حالیہ ٹریفک قوانین میں ترمیمی بل کے نفاذ کے بعد صوبہ بھر میں ٹریفک پولیس کے کریک ڈاؤن سے شہری پریشان انکا کہنا ہے کہ تحصیل پنڈ دادنخان اور مرکزی شہر کھیوڑہ سمیت گردونواح میں ٹریفک پولیس کے دوہرے معیار پر عوام شدید برہم ہیں۔ شہریوں کے مطابق موٹر سائیکل سواروں پر ہیلمٹ، لائسنس، سیٹ بیلٹ اور اوور اسپیڈنگ کی بنیاد پر سخت کارروائیاں کی جاتی ہیں اور لاکھوں روپے کا ریونیو حاصل ہو رہا ہے،ایف آئی آرز درج ہورہی ہیں مگر دوسری طرف مرکزی سڑکوں پر اوور لوڈ ڈیمپر، ٹرالے، ٹریکٹر ٹرالیاں اور بائیس ویلر گاڑیاں روزانہ خطرناک حد تک بھاری مٹیریل اور پتھر سڑک پر گراتے دندناتے پھرتے ہیں جن پر کسی قسم کی چیکنگ یا ایکشن نظر نہیں آتا اگر عام عوام ایف آئی آر اور جرمانوں کے خود سے ایک لائن میں آسکتے ہیں تو ڈمپر مافیا قانون کی گرفت سے آزاد کیوں؟ عوام نے سوال اٹھایا ہے کہ اگر موٹر سائیکل والا فوراً پابندِ سلاسل ہو سکتا ہے تو کیا یہ اوور لوڈ گاڑیاں، جو بم کی طرح سڑکوں پر دوڑ رہی ہیں، قانون کی نظروں سے اوجھل ہیں؟ شہریوں نے حکومت پنجاب سے مطالبہ کیا ہے کہ اس واضح تضاد کا فوری نوٹس لے کر تحصیل بھر میں اوور لوڈنگ کے مسئلے پر سنجیدہ اور مؤثر اقدامات کیے جائیں۔تاکہ عوام کے حقیقی جان س مال کا تحفظ ممکن ہوسکے
