دینہ:بلدیاتی ایکٹ 2025 حکومت پنجاب کا کالا قانون ھے۔ اس کے ذریعے غیر آئینی انتخابی طریقہ مسلط کر کے شب خون مارا جا رہا ہے ۔ جماعت اسلامی اس ایکٹ کے خلاف میدان میں اتر آئی ھے.۔ ڈاکٹر قاسم محمود چودھری
دینہ( ادریس چودھری)بلدیاتی ایکٹ 2025 حکومت پنجاب کا کالا قانون ھے۔ اس کے ذریعے غیر آئینی انتخابی طریقہ مسلط کر کے شب خون مارا جا رہا ہے ۔ جماعت اسلامی اس ایکٹ کے خلاف میدان میں اتر آئی ھے۔ چار روزہ ریفرنڈم مہم سے عوام کو ان کے حقوق کی آگاہی دی جائے گی ۔ ان خیالات کا اظہار امیر جماعت اسلامی ضلع جہلم ڈاکٹر قاسم محمود چودھری نے گزشتہ روز دینہ کے ایک نجی ہوٹل میں پریس کانفرنس سے خطاب کرتے ہوئے کیا۔ انہوں نے اس کالے قانون سے عوامی نمائندوں کے پاس کوئی کوئی اختیار نہیں ھو گا۔ انہیں بھیڑ بکریوں کی طرح ہانکا جا سکے گا۔ حکومت پنجاب غیر جماعتی انتخابات کے ذریعے اپنی مرضی کے لوگ لانا چاہتی ھے ۔ جماعت اسلامی کا مطالبہ ھے کہ جماعتی بنیادوں پر الیکشن کروائے جائیں ۔ چئیر مین ، وائس چیئرمین ، کونسلر براہِ راست عوام کے ووٹوں سے منتخب ھوں۔ اس سلسلے میں 15 سے 18 جنوری تک پورے پنجاب میں عوامی ریفرنڈم ھو گا۔ اس ریفرنڈم سےعوام کو معلوم ھو گا کہ ان کے حقوق مسلم لیگ ن کی پنجاب حکومت کس طرح ڈاکہ ڈال رھی ھے۔ ڈاکٹر قاسم محمود چودھری نے کہا صوبہ پنجاب میں 11 سال گزر گئے انتخابات نہیں ھوئے۔ اور اب حکومت پنجاب جب الیکشن کرانے کا پروگرام بنا رھی ھے تو الیکشن کے بعد کسی بھی پارٹی کو جوائن کرنے کا موقع دینا کھلی ہارس ٹریڈنگ ہے۔ امیر جماعت اسلامی پاکستان حافظ نعیم الرحمن کی قیادت میں ھم سب متحد ھیں۔ تحصیل اور ضلع کی سطح پر بااختیار حکومتوں نظام ہر سطح پر عوام کا حق حکمرانی جماعت اسلامی پاکستان کا مشن ھے اور اس مشن کے پایہ تکمیل کے لیے پہلے بھی قربانی دیتے آئے ھیں اور آئندہ بھی دیں گے آخر میں ڈاکٹر قاسم محمود چودھری نے میڈیا کی وساطت سے ضلع جہلم کی عوام سے پرزور اپیل کی کہ وہ چار روزہ ریفرنڈم مہم میں بڑھ چڑھ کر حصہ لیں۔ اپنے حقوق کے لیے آگے بڑھیں۔۔
