جہلم (مشرف جنجوعہ) وزیراعلی پنجاب محترمہ مریم نواز شریف کی ہدایت پر تاریخ میں پہلی بار شعبہ لائیو سٹاک کی ترقی کے لیے ایک ارب روپے سے زائد رقم کی لاگت سے غیر نسلی یا کم پیداوار والے جانوروں کی نسلی بڑھوتری اور دودھ اور گوشت کی پیداوار میں اضافے کے لیے ایک منصوبہ بنایا گیا ہے اس منصوبے کے تحت سیکرٹری لائیو سٹاک، ڈائریکٹر جنرل پروڈکشن اور ڈائریکٹر بریڈ امپروومنٹ کی جانب سے صوبہ بھر کے ہر ویٹرنری ہسپتال میں نہایت ہی رعایتی نرخوں پر معیاری امپورٹڈ سیمن، فریزن، براہمن اور سیکس سیمن دستیاب ہے۔ صوبہ بھر کے تمام ضلعوں کی طرح ضلع جہلم میں بھی اس منصوبے کا آغاز کر دیا گیا ہے۔ لائیو سٹاک شعبہ سے تعلق رکھنے والے تمام فارمر حضرات سے گزارش ہے کہ اپنے جانوروں کی نسلی بڑھوتری اوردودھ و گوشت کی پیداوار میں اضافے کے لیے نزدیکی جانوروں کے ہسپتال میں رابطہ کریں اور اپنے جانوروں میں معیاری سیمن رکھوائیں اور ملکوں قوم کی ترقی میں اپنا بھرپور کردار ادا کریں۔
