اسسٹنٹ کمشنر سوہاوہ غزالہ اصغر کی خصوصی کاوشیں ، مستحق کیئر گیورز خواتین میں مالی امداد کی تقسیم،
جہلم(پروفیسر خورشید علی ڈار)تفصیلات کے مطابق اسسٹنٹ کمشنر سوہاوہ محترمہ غزالہ اصغر کی خصوصی کاوشوں سے جہلم اور دینہ کے بعد اب سوہاوہ میں بھی مستحق کیئر گیورز خواتین میں مالی امداد تقسیم کرنے کی تقریب منعقد ہوئی۔اس موقع پر اسسٹنٹ کمشنر غزالہ اصغر نے صدر قلبی ویلفیئر سوسائٹی محترمہ خاتون سید، سید ذوالفقار حسین شاہ، معروف سوشل ورکر پروفیسر خورشید علی ڈار اور جنرل سیکرٹری ظہیر عباس کی فلاحی خدمات کو بھرپور الفاظ میں سراہا۔تقریب سے خطاب کرتے ہوئے اسسٹنٹ کمشنر نے اظہارِ مسرت کیا کہ اس کارِ خیر کے لیے سوہاوہ کا انتخاب کیا گیا۔ انہوں نے ماضی کی خدمات کا ذکر کرتے ہوئے بتایا کہ اس سے قبل رمضان المبارک میں بھی کیئر گیورز خواتین اور "ستھرا پنجاب” کی ٹیم میں نئے کپڑے اور راشن تقسیم کیا گیا تھا۔انہوں نے اس نیک مشن میں صدر جہلم چیمبر آف کامرس حاجی زاہد حسین بٹ اور ڈاکٹر انعم کے خصوصی تعاون کی بھی تعریف کی۔تقریب میں ڈپٹی ڈسٹرکٹ ایجوکیشن آفیسر سوہاوہ ساجدہ لیاقت نے بھی شرکت کی اور اس اقدام کو غریب طبقے کی فلاح و بہبود کے لیے خوش آئند قرار دیا۔
