پروفیسر خورشید علی ڈار کی رپورٹ کے مطابق معروف سوشل ورکر پروفیسر خورشید علی ڈار اور ظہیر عباس نے رورل ہیلتھ سینٹر دینہ کا دورہ کیا اور ہسپتال کے لیے ضروری ادویات کا عطیہ پیش کیا۔اس پروقار تقریب کے مہمانِ خصوصی اسسٹنٹ کمشنر دینہ محمد تیمور خان تھے۔ان ادویات میں خاص طور پر شوگر کے مریضوں کے لیے انتہائی معیاری اور قیمتی ادویات شامل کی گئی ہیں تاکہ مستحق مریضوں کو علاج معالجے میں سہولت میسر آ سکے۔ اس خیراتی جذبے کو مزید وسعت دیتے ہوئے ضرورت مند خواتین میں نئے سوٹ بھی تقسیم کیے گئے، جس کا مقصد معاشرے کے پسماندہ طبقات کی داد رسی کرنا تھا۔مذکورہ بالا شخصیات کی خصوصی کاوشوں سے ایک مخیر شخصیت نے چار لاکھ کی معیاری ادویات آر ایچ سی کو دینے کا اعلان کیا جو عنقریب ہسپتال انتظامیہ کو فراہم کر دی جائیں گی۔تقریب میں چیف آفیسر بلدیہ محمد فیصل، سپریٹینڈنٹ میاں سہیل، ممتاز سماجی شخصیت محترمہ خاتون سید اور سید ذوالفقار حسین شاہ نے بھی خصوصی شرکت کی۔ اس موقع پر ایم ایس آر ایچ سی دینہ مسٹر سلیمان کی جانب سے بہترین انتظامات دیکھنے کو ملے، جنہیں شرکاء نے بے حد پسند کیا۔ اسسٹنٹ کمشنر نے ہسپتال کے مختلف حصوں کا معائنہ بھی کیا اور صفائی ستھرائی کی مثالی صورت حال پر مکمل اطمینان کا اظہار کرتے ہوئے انتظامیہ کی کارکردگی کو سراہا
