جہلم (نعیم احمد بھٹی) ترقیاتی کام وبال جان بھی بن گئے چاندنی چوک میں سڑک پر کئی روز سے اینٹیں پڑی ہونے سے ٹریفک بلاک رہنے لگی انتظامیہ نے چاندنی چوک میں دکانداروں کے شیڈ توڑ کر نئے بنانے کے لیے اینٹیں کئی روز پہلے ہی منگوا کر سڑک پر پھینک دی جس سے ٹریفک کی روانی میں خلل پڑنے لگا جبکہ دکانوں کے آگے اینٹیں پڑی ہونے سے دکاندار بھی پریشان دکانداروں کا کہنا ہے کہ کئی روز پہلے اینٹیں منگوانے کی ضرورت کیا تھی جب کام شروع ہوتا تو اس وقت انتظامیہ ان اینٹوں کو منگوا لیتی ڈپٹی کمشنر اس بات کا نوٹس کیوں نہیں لے رہے۔ تفصیلات کے مطابق چاندنی چوک میں اینٹیں سڑک پر پڑی رہنے سے ٹریفک بلاک رہنے لگی دکانداروں کے ساتھ ساتھ شہری بھی مشکلات کا شکار نظر آنے لگے ترقیاتی کام بھی وبال جان بن گئے کام بھی سست روی کا شکار چاندنی چوک کو کشادہ کیا جائے شہریوں کا مطالبہ کیونکہ اس روڈ پر ٹریفک کی روانی زیادہ ہے جس سے ٹریفک بلاک رہنا معمول بن گیا ہے جبکہ ٹریفک پولیس تو چالانوں تک ہی محدود رہ گئی ہے ٹریفک جام ہے تو جام ہی رہے ہم تو چالان ہی کریں گے شہریوں نے ڈپٹی کمشنر میر رضا سے مطالبہ کیا ہے کہ سڑک سے اینٹیں ہٹوائی جائیں اور راستے کو کشادہ کیا جائے
