جہلم (مشرف جنجوعہ) جماعت اسلامی پاکستان ہفتہ یکجہتی کشمیر 30 جنوری تا 5 فروری بھرپور طریقے سے منا رہی ہے ، ان خیالات کا اظہار امیر جماعت اسلامی ضلع جہلم ڈاکٹر قاسم محمود چوہدری نے گزشتہ روز اپنے ایک بیان میں کیا ، ان کا کہنا تھا کہ جماعت اسلامی پنجاب شمالی کی جانب سے پورے صوبے میں کشمیر کی موجودہ صورتحال اور حقِ خودارادیت کے لیے ہفتہ یکجہتی کشمیر منایا جا رہا ہے اسی طرح جہلم میں بھی 5 فروری کو شایان شان طریقے سے منانے کے لیے تیاریاں جاری ہیں ، یاد رہے کہ 5 فروری کا دن منانے کی اپیل پہلی مرتبہ 1990ء میں جماعت اسلامی کے اس وقت کے امیر قاضی حسین احمد نے کی تھی جس پر اس وقت کی پیپلز پارٹی کی مرکزی حکومت نے بھی سرکاری طور پر اس دن کو منانے کا اعلان کیا اور اس کے بعد سے ہر سال باقاعدگی سے ہو رہا ہے ، 5 فروری کو سرکاری چھٹی ہوتی ہے اور پاکستان سمیت دنیا بھر کے مسلمان اس دن جو منا کر کشمیری بھائیوں کیساتھ مکمل یکجہتی کا اظہار کیا جاتا ہے
