ساری امت ایک طرف اور اہل بدر کے کسی بھی ایک صحابی کی رائے دوسری طرف ہوتو ان کی رائے مقدم ہوگی۔امیر عبدالقدیر اعوان
جہلم( ادریس چودھری ) ساری امت ایک طرف اور اہل بدر کے کسی بھی ایک صحابی کی رائے دوسری طرف ہوتو ان کی رائے مقدم ہوگی۔امیر عبدالقدیر اعوان صحابہ بدر کے بارے ارشاد پاک ہے کہ میں سارے کا سارا اسلام یہاں میدان کارزار میں لے آیا ہوں۔رہتی دنیا تک یہ واحد جماعت ہے جس کو یہ اعزاز حاصل ہے اور ساتھ ہی آپ کا یہ فرمانا کہ کسی مسئلے پر امت کا اتفاق اور بدری صحابی ؓ کی رائے اس کا برعکس ہو تو اصحاب بدر کی رائے مانی جائے گی ان کی رائے مقدم سمجھی جائے گی۔ امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا دوروزہ ماہانہ روحانی اجتماع کے موقع پر خطاب۔ انہوں نے کہا کہ بظاہراگر کفر طاقتوربھی نظرآئے لیکن ان کا نظریہ کبھی نافذ نہ ہو سکے گا۔یوم بدر یوم فرقان ہے۔حق و باطل کی تفریق کا دن ہے۔آج جو ایک سوال ہے کہ قرآن کریم تو مسلمانوں سے وعدہ فرماتا ہے کہ حکمرانی مسلمانوں کے پاس رہے گی،تو جو فرمایا جا رہا ہوتا ہے کیا ہم اس پر پورا اتر تے ہیں؟۔ آج ہم مومن کہلانے والوں کے اعمال کافروں سے بھی بدتر ہیں تو شکایت کرنے کی بجائے اپنے اعمال پر نظرثانی کرنی چاہیے۔ انہوں نے مزید کہا کہ جو اسلوب زندگی کے نبی کریم ﷺ نے فرمائے ہیں اس سے ہمیشہ کی کامیابی اورفتح نصیب ہوگی۔اُس وقت دو جماعتیں تھیں ایک وہ جماعت جو مکہ واپس لوٹ رہی تھی اور سامان تجارت کو لے جا رہی تھی اور اس رقم کو اسلام کے خلاف استعمال کرنیکا ارادہ رکھتے تھے یہاں بھی اگر دیکھا جائے تو ان لوگوں کو سزا ملی جو کفر میں آگے بڑھ چکے تھے۔اللہ نے مخلوق صرف کھیل تماشہ کے لیے پیدا نہیں فرمائی بلکہ اللہ کریم دیکھنا چاہتے ہیں کہ تم کون سی راہ اختیار کرو گے۔ماہانہ اجتماع پر آنے والے نئے احباب و خواتین کی ظاہری بیعت بھی لی گئی اور انہیں لائحہ عمل بھی دیا گیا کہ اپنے معمولات کو مرکزی ہدایات کے مطابق گزارنا ہے اور قلبی ذکر صبح اور شام اختیار کرنا ہوگا۔ آخر میں انہوں نے ملکی سلامتی اور بقا کی اجتماعی دعا بھی فرمائی۔
