دینہ (رضوان سیٹھی سے) دینہ میں غریب محنت کش کی بیوی گرین بس میں سفر کے دوران لٹ گئی، ہزاروں کی نقدی اور شناختی کارڈ چوری، وزیر اعلیٰ پنجاب مریم نواز شریف گرین بس میں ہونے والی وارداتوں کی روک تھام کے لیے اقدامات کریں تاکہ غریب آسانی سے سفر کر سکیں، متاثرہ خاتون کے شوہر کی میڈیا سے گفتگو۔ تفصیلات کے مطابق گزشتہ روز غریب محنت کش قدیر خان ولد گل حیدر سکنہ الکوثر محلہ دینہ کی بیوی سول ہسپتال دینہ سے واپسی پر گرین بس میں سوار ہوئی تو بس میں سوار پہلے ہی نوسرباز خواتین نے گھیر لیا اور بڑی آسانی اور ہوشیاری کے ساتھ بیگ سے پرس نکال لیا جس میں پڑی 5500روپے نقدی اور شناختی کارڈ تھے لے کر چلتی بنی متاثرہ خاتون جب بس سے اتری تو دیکھا کہ پرس غائب تھا متاثرہ خاتون کا شوہر قدیر خان نے میڈیا سے گفتگو کرتے ہوئے بتایا کہ وزیر اعلیٰ پنجاب مریم نواز شریف گرین بس میں ہونے والی وارداتوں کی روک تھام کے سلسلے میں اقدامات کریں تاکہ غریب لٹنے سے بچ سکیں اور آرام سے سفر کر سکیں۔
