جہلم پروفیسر خورشید علی ڈار کی رپورٹ کے مطابق۔۔۔۔مبارک حضرت بابا سید فضل الہی شاہ ہمدانی المعروف حضرت بابا فضل شاہ سرکار چھجہ شریف۔ گزشتہ روز آستانہ عالیہ فریدیہ غوثیہ صابریہ خواجہ ٹاون منگلا روڈ دینہ میں سالانہ عرس مبارک حضرت بابا سید فضل الہٰی شاہ ہمدانی ،زیر صدارت جناب صاحبزادہ غلام سرور شاہ ہمدانی منعقد ہوا ۔ تلاوت قرآن پاک کا شرف صاجزادہ حسن شاہ ہمدانی کو حاصل ہوا. اور نعت رسول کا نزانہ صوفی واجد صاحب نے پیش کیا۔ اس خصوصی عرس مبارک کی تقریب میں مہمان خصوصی جناب شیخ اقبال فریدی عباسی اور پیر مقصود صاحب نے دیگر مریدین کے ساتھ شرکت کی۔ خصوصی خطاب میں جناب خلیفہ ثاقب محمود چوراہی صاحب اور ویڈیو لنک پر پیر طریقت خادم شریعت صاجزادہ ڈاکٹر پیر محمد ثقلین شاہ ہمدانی قادری چشتی صابری صاحب نے مریدین کو ہدایت کی کہ وہ حضرت سید بابا فضل شاہ ہمدانی رح کی تعلیمات کے مطابق اپنی زندگی میں تبدیلی لا کر دنیاوی زندگیکی بجائے ابدی زندگی اور انسانیت کی خدمت کی جانب توجہ مرکوز رکھیں۔ عرس کے ا اختتام پر معیار ی لنگر تقسیم کیا گیا.
