دینہ (رضوان سیٹھی سے ) بلوچستان میں دہشت گردوں کے حملے کا نشانہ بننے والا دینہ کے نواحی علاقہ ڈومیلی کا رہائشی پاک فوج کا نوجوان کوفوجی اعزاز کے ساتھ سپرد خاک کر دیا گیا ،پا ک فوج کے چاک و چوبند دستے نے شہید محمد جواد کو سلامی پیش کی نماز جنازہ میں پاک فوج کے افسران کے علاوہ ہزاروں افراد کی شرکت ، شہید نوجوان کی میت ڈومیلی پہنچنے پر پرتپاک استقبال کیا گیا ، پھولوں کی پتیاں نچھاور کرتے ہوئے پاک فوج زندہ آباد کے نعرے بعد ازاں فوجی نوجوان محمد جواد کو سینکڑوں سوگواران کی موجودگی میں سپرد خاک کر دیا گیا ، علاقہ بھر کی آنکھ اشکبار تھی ۔ تفصیلات کے مطابق گزشتہ روز بلوچستان میں دہشتگردوں کا نشانہ بننے والی جعفر ایکسپریس میں سوار پاک فوج کا نوجوان محمد جواد جو کہ عید کی چھٹیاں گزارنے گھر دینہ کے نواحی علاقہ ڈومیلی آ رہا تھا کہ شہید ہو گیا ، شہید محمد جواد کی میت ڈومیلی پہنچنے پر اہل علاقہ کی بڑی تعداد نے استقبال کیا اور بعدازاں نماز جنازہ کے لیے پاک فوج کے چاک و چوبند دستے نے شہید محمد جواد کو سلامی پیش کی ، نماز جنازہ میں فوجی افسران سمیت علاقہ بھر کی سیاسی ، سماجی شخصیات سمیت ہزاروں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
